മോഹന്‍ലാല്‍-പ്രിയദര്‍ശന്‍-ആന്റണി പെരുമ്പാവൂര്‍ കൂട്ടുകെട്ടിലൊരുങ്ങിയ മരയ്ക്കാര്‍ അറബിക്കടലിന്‍റെ സിംഹം മലയാള സിനിമയിൽ ഏറ്റവും കൂടുതൽ ആളുകൾ കാത്തിരുന്ന ചിത്രം കൂടിയാണ് . ദേശീയ പുരസ്‌കാരം കൂടി കിട്ടിയപ്പോൾ ചിത്രത്തിനെകുറിച്ചുള്ള പ്രതീക്ഷ ആളുകൾക്ക് വലിയ രീതിയിൽ കൂടി. സിനിമ തീയറ്ററിലാണോ അതോ ഒടിടിയിലാണോ എന്ന ചർച്ച കുറച്ച നാളുകളായി നടക്കുകയായിരുന്നു. ഇപ്പോൾ അതിന് ഒരു തീരുമാനമായിരിക്കുകയാണ് . ചിത്രം ഒടിടിയിൽ തന്നെ റിലീസ് ചെയ്യുമെന്ന് ആന്റണി പെരുമ്പാവൂർ അറിയിച്ചത് .
ഇത് കൂടാതെ ആശിര്‍വാദ് സിനിമാസ് മോഹന്‍ലാലിനെ നായകനാക്കി നിര്‍മ്മിക്കുന്ന നാല് ചിത്രങ്ങള്‍ കൂടി ഡയറക്റ്റ് ഒടിടി റിലീസ് ആയിരിക്കുമെന്ന് ആന്റണി പെരുമ്പാവൂര്‍ അറിയിച്ചു. മരക്കാര്‍ കൂടാതെ പൃഥ്വിരാജിന്‍റെ ബ്രോ ഡാഡി , ജീത്തു ജോസഫിന്‍റെ 12ത്ത് മാന്‍ , ഷാജി കൈലാസിന്‍റെ എലോണ്‍ എന്നിവയും ‘പുലിമുരുകന്’ ശേഷം ഉദയകൃഷ്‍ണയുടെ തിരക്കഥായിൽ വൈശാഖ് സംവിധാനം ചെയ്യുന്ന ചിത്രവും ഒടിടിയിൽ റിലീസ് ചെയ്യുമെന്ന് ആന്റണി പെരുമ്പാവൂർ അറിയിച്ചു.
