ന്യൂഡല്‍ഹി : കേന്ദ്രആഭ്യന്തരമന്ത്രി അമിത് ഷാ കോവിഡ് മുക്തനായി . വെള്ളിയാഴ്ച നടത്തിയ കോവിഡ് പരിശോധനയില്‍ അദ്ദേഹം നെഗറ്റീവായി . അദ്ദേഹം തന്നെയാണ് ഇക്കാര്യം ട്വിറ്ററിലൂടെ അറിയിച്ചത് . എന്നാല്‍ അദ്ദേഹം ഡോക്ടര്‍മാരുടെ ഉപദേശപ്രകാരം ഏതാനും ദിവസം കൂടി വീട്ടില്‍ നിരീക്ഷണത്തില്‍ തുടരും . തനിക്ക് വേണ്ടി പ്രാര്‍ഥിച്ചവര്‍ക്കെല്ലാം നന്ദിയെന്നും അമിത് ഷാ ട്വിറ്ററില്‍ കുറിച്ചു . “ഇന്ന് കോവിഡ് ടെസ്റ്റ് നെഗറ്റീവായി വന്നു. ഈശ്വരനോട് നന്ദി പറയുന്നു . ഒപ്പം എന്‍റെ ആരോഗ്യത്തിന് വേണ്ടി പ്രാര്‍ഥിച്ച, ആശംസകള്‍ നേര്‍ന്ന എല്ലാവര്‍ക്കും നന്ദി . ഡോക്ടര്‍മാരുടെ നിര്‍ദേശപ്രകാരം കുറച്ചുദിവസം കൂടി വീട്ടില്‍ നിരീക്ഷണത്തില്‍ തുടരും- അമിത് ഷാ ട്വീറ്റ് ചെയ്തു .
