പാലക്കാട്: കേന്ദ്രസര്‍ക്കാറിന്റെ തെറ്റായ തൊഴില്‍ നയങ്ങള്‍ക്കെതിരെ നവംബര്‍ 26ന് നടക്കുന്ന പൊതുപണിമുടക്കിന് സ്റ്റേറ്റ് ലോറി ഓണേഴ്സ് ഫെഡറേഷന്‍ സംസ്ഥാന സെക്രട്ടേറിയറ്റ് പിന്തുണ പ്രഖ്യാപിച്ചു. മോട്ടോര്‍ വാഹന ഭേദഗതി നിയമത്തില്‍, റോഡ് സുരക്ഷയും മറ്റും ഉയര്‍ത്തിക്കാണിച്ച്‌ വാഹന ഉടമകളില്‍ നിന്ന് വന്‍തുക പിഴ ഈടാക്കുന്ന നടപടി, തൊഴില്‍ മേഖലയുടെ പതനത്തിന് കാരണമാകും. സംസ്ഥാന പ്രസിഡന്‍റ് കെ.എസ്. സുരേഷ് ബാബു അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി എം. നന്ദകുമാര്‍ റിപ്പോര്‍ട്ട് അവതരിപ്പിച്ചു.
