ഓൺലൈൻ ഗെയിം കളിച്ച് പണം പോയി; വീട് വിട്ടിറങ്ങിയ വിദ്യാർഥി മരിച്ചനിലയിൽ
തൃശൂർ: ഓൺലൈൻ ഗെയിമിൽ പണം നഷ്ടപ്പെട്ട വിദ്യാർഥിയെ മരിച്ച നിലയിൽ കണ്ടെത്തി. ഇരിങ്ങാലക്കുട കൊരുമ്പിശേരി സ്വദേശി ആകാശ് (14) നെയാണ് മരിച്ച നിലയിൽ കണ്ടെത്തിയത് . ജീവനൊടുക്കിയതാണെന്ന് സംശയിക്കുന്നതായി പോലീസ് പറഞ്ഞു.സംഭവത്തിൽ പണം നഷ്ടപ്പെട്ട മനോവിഷമത്തിൽ ആകാശ് ചൊവ്വാഴ്ച വീട് വിട്ടിറങ്ങിയിരുന്നു. ഇന്നു രാവിലെ കൂടൽമാണിക്യംകുട്ടൻ കുളത്തിൽ നിന്നാണ് 14 കാരന്റെ മൃതദേഹം കണ്ടെത്തിയത്. കൂടാതെ കുളത്തിന് സമീപത്തായി സൈക്കിളും ചെരിപ്പും കണ്ടെത്തിയിരുന്നു. സുൽഫത്താണ് കുട്ടിയുടെ അമ്മ. അമൽ ഏക സഹോദരനാണ്
