കോഴിക്കോട്: പുതിയാപ്പയിൽ ശരണ്യ എന്ന യുവതി തീപ്പൊള്ളലേറ്റ് മരിച്ച സംഭവവുമായിബ ബന്ധപ്പെട്ട് ഭർത്താവ് ലിനീഷിനെ പോലീസ് അറസ്റ്റ് ചെയ്തു. ആത്മഹത്യാ പ്രേരണ, ഗാർഹിക പീഡനം എന്നീ വകുപ്പുകൾ ചുമത്തിയാണ് ലിനീഷിന്‍റെ അറസ്റ്റ് രേഖപ്പെടുത്തിയത്.അതെസമയം ശരണ്യക്ക് തീപിടിച്ചപ്പോള്‍ അണയ്ക്കുന്നതിന് ലിനീഷ് വിസമ്മതിച്ചുവെന്നാണ് അയല്‍വാസി പോലീസിന് മൊഴി നല്‍കിയത് . ശരണ്യയ്ക്ക് തീപിടിച്ച സമയത്ത് ലിനീഷ് ആരെയോ ഫോണ്‍ ചെയ്ത് നില്‍ക്കുന്നത് കണ്ടെന്ന് മറ്റൊരു അയല്‍വാസി ഉണ്ണിയും മൊഴി നല്‍കിയിട്ടുണ്ട്.
എന്നാൽ,ശരണ്യയുടെ മരണവുമായി ബന്ധപ്പെട്ട് ബന്ധുക്കള്‍ നേരത്തെ പോലീസില്‍ പരാതി നല്‍കിയിരുന്നു. ഭര്‍ത്താവ് ലിനീഷ് ശരണ്യയെ തീകൊളുത്തി കൊലപ്പെടുത്തിയെന്നാണ് ബന്ധുക്കളുടെ ആരോപണം.
