മുഴുവൻ കോവിഡ് രോഗികൾക്കും പോസ്റ്റൽ വോട്ട് സൗകര്യം ലഭ്യമാക്കണമെന്ന് കാന്തപുരം
കോഴിക്കോട്: കോവിഡ് പോസിറ്റിവായ മുഴുവൻ വോട്ടർമാർക്കും പോസ്റ്റൽ വോട്ട് സൗകര്യം ലഭ്യമാക്കണമെന്ന് കേരള മുസ്‌ലിം ജമാഅത്ത് പ്രസിഡൻറ് കാന്തപുരം എ.പി. അബൂബക്കർ മുസ്‌ലിയാർ പ്രസ്താവനയിൽ പറഞ്ഞു.തെരഞ്ഞെടുപ്പിന് തലേദിവസം മൂന്നുമണിക്ക് മുമ്പുവരെ കോവിഡ് സ്ഥിരീകരിച്ചവർക്ക് പോസ്റ്റൽ വോട്ട് സൗകര്യം ഏർപ്പെടുത്തുമെന്നാണ് തെരഞ്ഞെടുപ്പ് കമീഷൻ വ്യക്തമാക്കിയത്. മൂന്നു മണിക്ക് ശേഷം കോവിഡ് ആയവർ തെരഞ്ഞെടുപ്പ് ദിനം വൈകുന്നേര സമയം ബൂത്തിൽ നേരിട്ടുവന്ന് വോട്ട് രേഖപ്പെടുത്തണമെന്ന നിർദേശം വോട്ടിങ് ഉദ്യോഗസ്ഥരെയും വോട്ടു രേഖപ്പെടുത്താൻ വരുന്ന പൊതുജനങ്ങളെയും ഭീതിയിലാഴ്ത്തുമെന്ന് കാന്തപുരം പറഞ്ഞു.
