ഒമ്പതു വയസുകാരി അനയയുടെ മരണം; ‘വൈറൽ ന്യൂമോണിയയും ബാധിച്ചിട്ടുണ്ടാകാം’, തെറ്റ് പറ്റിയിട്ടില്ലെന്നു കോഴിക്കോട് മെഡിക്കൽ കോളേജ്
കോഴിക്കോട്: താമരശ്ശേരിയിലെ ഒമ്പത് വയസുകാരി അനയയുടെ മരണവുമായി ബന്ധപ്പെട്ട് തെറ്റ് സംഭവിച്ചിട്ടില്ലെന്ന നിലപാടിലാണ് കോഴിക്കോട് മെഡിക്കൽ കോളേജ് അധികൃതർ. അനയയ്ക്ക് അമീബിക് മസ്തിഷ്ക ജ്വരം ബാധിച്ചിരുന്നുവെന്ന മൈക്രോബയോളജി പരിശോധനാഫലം ശരിയാണെന്നും അതിൽ തെറ്റില്ലെന്നും അധികൃതർ വ്യക്തമാക്കി. കൂടാതെ, കുട്ടിക്ക് അമീബിക് മസ്തിഷ്ക ജ്വരത്തിനൊപ്പം വൈറൽ ന്യൂമോണിയയും ബാധിച്ചിട്ടുണ്ടാകാമെന്ന് മെഡിക്കൽ കോളേജ് വിശദീകരിച്ചു. ഈ രോഗങ്ങൾ ചേർന്നതായിരിക്കും കുട്ടിയുടെ ആരോഗ്യനില വേഗത്തിൽ വഷളാക്കിയത് എന്നും അധികൃതർ സൂചിപ്പിക്കുന്നു. അതേസമയം, പോസ്റ്റ്മോർട്ടം റിപ്പോർട്ടിൽ അനയയുടെ മരണം അമീബിക് മസ്തിഷ്ക ജ്വരമൂലമല്ലെന്ന…
