ഇടുക്കിയിൽ എസ് എഫ് ഐ പ്രവർത്തകന്റെ കൊലപാതകത്തിന് പിന്നാല സംസ്ഥാനത്ത് വ്യാപക സംഘർഷം. കൊലപാതകത്തിൽ പ്രതിഷേധിച്ച് എസ്എഫ്ഐ-ഡിവൈഎഫ്ഐ പ്രതിഷേധ പ്രകടനം നടത്തി. പ്രകടനത്തിനിടെ എസ് എഫ് ഐ പ്രവർത്തകർ വ്യാപകമായി കോൺഗ്രസ് കൊടിമരങ്ങൾ തകർത്തു. മലപ്പുറത്തും കോഴിക്കോടും പത്തനംതിട്ടയിലും പ്രകടങ്ങൾ സംഘർഷത്തിൽ കലാശിച്ചു.
കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ഗ്രൂപ്പിൽ അംഗമാകുക
കൊല്ലത്ത് എൻ.കെ.പ്രേമചന്ദ്രൻ എംപിയുടെ വാഹനം ഡിവൈഎഫ്ഐ പ്രവർത്തകർ ആക്രമിച്ചു. ചവറയിൽ വെച്ചാണ് സംഭവം. ഇടുക്കി കൊലപാതകത്തിൽ പ്രതിഷേധിച്ച് നടന്ന പ്രകടനത്തിൽ പങ്കെടുത്ത ഡിവൈഎഫ്ഐ പ്രവർത്തകരാണ് വാഹനം തകർക്കാൻ ശ്രമിച്ചത്. ഡിവൈഎഫ്ഐയുടെ കൊടിയുമായി പ്രകടനത്തിൽ വന്ന പ്രവർത്തകർ വാഹനം കണ്ടതോടെ തടയുകയായിരുന്നു. തുടർന്ന് പോലീസ് എത്തിയാണ് പ്രവർത്തകരെ പിന്തിരിപ്പിച്ച് വിട്ടത്.
