പത്തനംതിട്ട: പത്തനംതിട്ടയില് വൃദ്ധനെ മകനും മരുമകളും ചേര്ന്ന് നഗ്നനാക്കി മര്ദിച്ചു. വലഞ്ചുഴിയിലാണ് സംഭവം. സ്വത്ത് തര്ക്കത്തിന്റെ പേരില് തോണ്ട മണ്ണില് റഷീദിനെ മകനും മരുമകളും ചേര്ന്ന് ക്രൂരമായി മര്ദിക്കുകയായിരുന്നു. സ്വത്തിനെ ചൊല്ലിയുള്ള തര്ക്കം കയ്യാങ്കളിയിലേയ്ക്ക് എത്തുകയായിരുന്നു.
എഴുപത്തിയഞ്ചുകാരനായ പിതാവിനെ മകന് ഷാനവാസ്, ഭാര്യ ഷീബ, ഇവരുടെ സഹോദരന് എന്നിവര് ചേര്ന്ന് മര്ദിക്കുകയായിരുന്നു. അതിക്രൂരമായ മര്ദനമാണ് ഇദ്ദേഹത്തിന് ഏല്ക്കേണ്ടിവന്നത്. സമീപവാസികള് പകര്ത്തിയ ദൃശ്യം പുറത്തുവന്നു. ദൃശ്യം പകര്ത്തുന്നതിനിടെ സമീപവാസികള്ക്ക് നേരെയും ഇവര് കയര്ത്തു. സംഭവത്തില് ഷാനവാസിനും ഭാര്യയ്ക്കും സഹോദരനുമെതിരെ പൊലീസ് കേസെടുത്തിട്ടുണ്ട്. അറസ്റ്റ് ചെയ്ത ശേഷം ഇവരെ ജാമ്യത്തില് വിട്ടു.
