കാസര്‍ഗോഡ്: ദേലംപടി കല്ലടുക്ക കോളനിയില്‍ നാട്ടുകാരുടെ ആക്രമണത്തില്‍ എസ്‌ഐ ഉള്‍പ്പടെ നാല് പോലീസുകാര്‍ക്ക് പരിക്ക്. സംഭവത്തില്‍ പ്രദേശവാസിയായ രണ്ട് പേരെ പോലീസ് കസ്റ്റഡിയിലെടുത്തു. ആരോഗ്യപ്രവര്‍ത്തകരെ കോളനിയിലേക്ക് പ്രവേശിക്കാന്‍ അനുവദിക്കാതെ നാട്ടുകാര്‍ റോഡ് അടച്ചിരുന്നു. തുടര്‍ന്ന് കളക്ടറുടെ നിര്‍ദ്ദേശപ്രകാരം കോളനിയിലെത്തിയ പോലീസിനെ നാട്ടുകാര്‍ മര്‍ദ്ദിക്കുകയായിരുന്നു. പട്ടികയും മരകക്ഷണങ്ങളും ഉപയോഗിച്ചായിരുന്നു ആക്രമണം.
