ഇന്ദ്രജിത്ത് സുകുമാരൻ കേന്ദ്ര കഥാപാത്രത്തെ അവതരിപ്പിക്കുന്ന ചിത്രമായ ആഹയുടെ ടീസർ യൂട്യൂബിൽ ലക്ഷകണക്കിന് കാഴ്ചക്കാരെ ആകർഷിച്ചു കൊണ്ട് ട്രെൻഡിങ്ങായി മുന്നേറുന്നു. മോഹൻലാലാണ് ചിത്രത്തിന്റെ ടീസർ പുറത്തിറക്കിയത്. കേരളത്തിന്റെ തനത് കായിക വിനോദമായ വടംവലിയെ പശ്ചാത്തലമാക്കി, സംഗീതത്തിനും, പ്രണയത്തിനും, കുടുംബബന്ധങ്ങൾക്കുമെല്ലാം ഒരേപോലെ പ്രാധാന്യമുള്ള കഥയുമായാണ് ആഹാ പ്രേക്ഷകരിലേക്ക് എത്തുന്നത്. എൻപത്തി നാലിൽ പരം ലൊക്കേഷനുകളിയായി ആയിരത്തിലധികം ജൂനിയർ ആർട്ടിസ്റ്റുകളെ അണിനിരത്തിയാണ് ആഹയുടെ ചിത്രീകരണം പൂർത്തീകരിച്ചത്. വൈകാരികത യോടെ കാണികളെ ആകാംഷയുടെ മുൾ മുനയിൽ നിർത്തുന്ന ഒരു ചിത്രമായിരിക്കും ആഹാ എന്ന് ടീസർ വ്യക്തമാക്കുന്നു.
