ഖത്തറിലേക്ക് കുടിയേറി വന്ന മൈനകളെ കൊണ്ട് പൊറുതിമുട്ടി അധികൃതർ

ദോ​ഹ: ഖത്തറിലേക്ക് കുടിയേറി വന്ന മൈനകളെ കൊണ്ട് പൊറുതിമുട്ടി അധികൃതർ. ഖത്തറിലേക്ക് കുടിയേറി എത്തിയ മൈനകൾ തിരികെ മടങ്ങാതെ രാജ്യത്ത് തന്നെ തുടരുന്നത് ആവാസ വ്യവസ്ഥയ്ക്കും പരിസ്ഥിതിക്കും ദോഷകരമാകുന്ന സാഹചര്യത്തിലാണ് ഇവയെ തുരത്താൻ അധികൃതർ കടുത്ത നടപടികൾ സ്വീകരിച്ചു വരുന്നത്. ഈ സാഹചര്യത്തിൽ മൈ​ന​ക​ളെ തുരത്താൻ പൊതുജനങ്ങളുടെ സഹായം തേടിയിരിക്കുകയാണ് ഖത്തർ പരിസ്ഥിതി, കാലാവസ്ഥാ വ്യതിയാന മന്ത്രാലയം.

പൊതുജനങ്ങൾക്കുള്ള മാർഗനിർദേശങ്ങൾ ഇവയാണ്;

മൈനകളെ കൂട്ടമായി കാണുകയോ അവ കൂടുകെട്ടുന്നതോ ശ്രദ്ധയിൽപ്പെട്ടാൽ അധികൃതരെ അറിയിക്കണം. ഇ​തി​ലൂ​ടെ വിദഗ്ധ സംഘത്തിന് മൈ​ന​ക​ളു​ടെ വ്യാ​പ​നം ഫ​ല​പ്ര​ദ​മാ​യി കൈ​കാ​ര്യം ചെ​യ്യാ​നും നി​യ​ന്ത്രി​ക്കാ​നും സാ​ധി​ക്കും.

താ​മ​സ​ക്കാ​ർ​മൈ​ന​ക​ൾ​ക്ക് ഭ​ക്ഷ​ണം ന​ൽ​ക​രു​ത്. തു​റ​സ്സാ​യ സ്ഥ​ല​ങ്ങ​ളി​ൽ, പ്ര​ത്യേ​കി​ച്ച് വ​ള​ർ​ത്തു​മൃ​ഗ​ങ്ങ​ൾ​ക്ക് ഭ​ക്ഷ​ണം ന​ൽ​കി​യ ശേ​ഷം അ​വ​ശേ​ഷി​ക്കു​ന്ന​വ ഒ​ഴി​വാ​ക്കാ​ൻ പ്ര​ത്യേ​കം ശ്ര​ദ്ധി​ക്ക​ണം.

മാലിന്യനിക്ഷേപ പെട്ടികൾ മൂടി വയ്ക്കുകയും വേണം. വീടിന്റെ ഭിത്തികളിലും മേ​ൽ​ക്കൂ​ര​ക​ളി​ലും സ​മീ​പ​ത്തെ മ​ര​ങ്ങ​ളി​ലും മൈനകൾക്ക്‌ കൂ​ടു​കൂ​ട്ടാ​നു​ള്ള സാ​ധ്യ​ത​യി​ല്ലെ​ന്ന് ഉ​റ​പ്പാ​ക്ക​ണം.

ഭിത്തികളിലെയും മേൽക്കൂരകളിലെയും ദ്വാരങ്ങൾ അടയ്ക്കുന്നതും മരങ്ങളിലെ ഉണങ്ങിയ ചില്ലകൾ നീക്കുന്നതും ഇവ കൂടു വയ്ക്കുന്നത് തടയാൻ സഹായകമാകും.

മൈനകളെ പിടികൂടാനായി പൊതുസ്ഥലങ്ങളിൽ സ്ഥാപിച്ചിരിക്കുന്ന കൂടുകളും കെണികളും പൊതുജനങ്ങൾ നശിപ്പിക്കുകയോ തുറക്കുകയോ ചെയ്യരുത്. പി​ടി​കൂ​ടി​യ പ​ക്ഷി​ക​ളെ ഉചിതമായ രീതിയിൽ വിദഗ്ധ സംഘം കൈകാര്യം ചെയ്യുമെന്നും അധികൃതർ വ്യക്തമാക്കി.

മൈനകളെ പിടിക്കാൻ രാജ്യമൊട്ടാകെ കൂടുകളും കെണികളും സ്ഥാപിച്ച് പ്രത്യേക പദ്ധതി തന്നെ ആവിഷ്കരിച്ചിട്ടുണ്ട്. മൈ​ന​യു​ടെ വ്യാ​പ​നം മൂ​ല​മു​ണ്ടാ​കു​ന്ന അ​പ​ക​ട​ങ്ങ​ളെ​ക്കു​റി​ച്ച് അ​വ​ബോ​ധം വ​ള​ർ​ത്തുന്നതിനും​ അവയുടെ എ​ണ്ണം നി​യ​ന്ത്രി​ക്കു​ന്ന​തി​നായും സം​ഘ​ടി​പ്പി​ച്ച കാ​മ്പ​യി​നി​ലാണ് പൊ​തു​ജ​ന​ങ്ങ​ൾ സ​ഹ​ക​രി​ക്ക​ണ​മെ​ന്ന് മ​ന്ത്രാ​ല​യം ആ​വ​ശ്യ​പ്പെ​ട്ടു. വ്യാ​പ​നം ത​ട​യാ​ൻ സ​ഹാ​യി​ക്കു​ന്ന​തി​ന് കു​ടും​ബാം​ഗ​ങ്ങ​ളു​മാ​യും സു​ഹൃ​ത്തു​ക്ക​ളു​മാ​യും ഈ ​വി​വ​ര​ങ്ങ​ൾ പ​ങ്കി​ട​ണ​മെ​ന്നും മ​ന്ത്രാ​ല​യം ആ​വ​ശ്യ​പ്പെ​ട്ടു. ഇതിനോടകം പതിനായിരകണക്കിന് മൈനകളെയാണ് കെണി വെച്ച് പിടികൂടിയത്.