മലപ്പുറം: വള്ളിക്കുന്ന് കടലുണ്ടി പുഴയിൽ നിന്ന് നാനൂറ് കിലോ നിരോധിത ലഹരി ഉൽപന്നങ്ങൾ കണ്ടെത്തി. എട്ട് ചാക്കുകളിലാക്കിയ നിലയിൽ കണ്ടെത്തിയ പുകയില ഉൽപന്നങ്ങള്‍ ട്രെയിനില്‍ നിന്നും ഉപേക്ഷിച്ചതാണെന്നാണ് എക്സൈസിൻ്റെ പ്രാഥമിക നിഗമനം. കടലുണ്ടി അഴിമുഖത്തോട് ചേര്‍ന്നുള്ള റയില്‍വെ പാലത്തിടിയിലും പരിസരത്തുമായാണ് ലഹരി ഉൽപന്നങ്ങള്‍ കണ്ടെത്തിയത്. ഇവ പുഴയിൽ ഒഴുകി നടക്കുന്നതായി ശ്രദ്ധയിൽപ്പെട്ട നാട്ടുകാര്‍ പരപ്പനങ്ങാടി റെയ്ഞ്ച് എക്‌സൈസിൽ വിവരമറിയിക്കുകയായിരുന്നു. ഇവയ്ക്ക് 8 ലക്ഷത്തോളം രൂപ വിലവരുമെന്നും എക്‌സൈസ് അറിയിച്ചു.
