പത്തനം തിട്ട : പത്തനംതിട്ട കോട്ടങ്ങൽ സെൻറ് മേരീസ് സ്കൂൾ വിദ്യാർത്ഥികളെ നിർബന്ധപൂർവം’ഞാൻ ബാബരി’എന്ന ബാഡ്ജ് ധരിപ്പിച്ചതിൽ പ്രതിഷേധം ശക്തമാവുകയാണ്. രാവിലെ സ്കൂളിൽ എത്തിയ വിദ്യാർത്ഥികൾക്ക് മേൽ പോപ്പുലർ ഫ്രണ്ട് നടത്തിയ അതിക്രമത്തിനെതിരെ എ ബി വി പി ,പത്തനംതിട്ട ജില്ലാ പോലിസ് മേധാവി ആർ നിശാന്തിനിക്ക് പരാതി നൽകി . എബിവിപി പത്തനം തിട്ട ജില്ലാ കമ്മിറ്റിയാണ് പരാതി നൽകിയത് . വിദ്യാർത്ഥികൾക്കിടയിൽ ദേശ വിരുദ്ധത പ്രചരിപ്പിക്കാനുള്ള ശ്രമം ഒരു കാരണ വശാലും അംഗീകരിക്കാൻ ആവില്ലെന്ന് എ ബി വിപി വ്യകത്മാക്കി , സാമുദായിക ഐക്യം തകർക്കാനുമുള്ള പോപ്പുലർഫ്രണ്ട് ശ്രമത്തിനെതിരെ ശക്തമായ നടപടി ഉണ്ടാവണമെന്നും വിദ്യാർത്ഥി പരിഷത് പരാതിയിൽ ആവശ്യപ്പെട്ടു .ഇന്ത്യൻ ദേശീയതയ്‌ക്ക് ഭീഷണിയായ പോപ്പുലർ ഫ്രണ്ട് നിരവധി ദേശവിരുദ്ധ പ്രവർത്തനങ്ങളിൽ ഉൾപ്പെട്ട സംഘടനയാണെന്നും പരാതിയിൽ പറയുന്നു.
