സംസ്ഥാനത്ത് സ്വര്‍ണ വില കഴിഞ്ഞ നാല് മാസങ്ങൾക്കിടയിലെ ഏറ്റവും ഉയര്‍ന്ന നിരക്കിൽ എത്തി. ഒരു പവൻ സ്വര്‍ണത്തിന് 36,720 രൂപയാണ് വില. രാജ്യാന്തര വിപണയിൽ ട്രോയ് ഔൺസിന് 1,856.57 ഡോളറിൽ ആണ് വ്യാപാരം. ഇന്നലെയാണ് സ്വര്‍ണ വില ഈ മാസത്തെ ഏറ്റവും ഉയര്‍ന്ന നിരക്കിൽ എത്തിയത്. ഈ മാസം ഇതുവരെ സ്വര്‍ണ വിലയിൽ പവന് 960 രൂപയുടെ വര്‍ധനയാണുള്ളത്. നവംബര്‍ ഒന്നിന് ഒരു പവൻ സ്വര്‍ണത്തിന് 35,760 രൂപയായിരുന്നു വില. നവംബര്‍ മൂന്ന് നാല് തിയതികളിലാണ് ഈ മാസത്തെ ഏറ്റവും കുറഞ്ഞ നിരക്കിൽ സ്വര്‍ണ വില എത്തിയത്.
