കൊടിയത്തൂര്‍ (കോഴിക്കോട്): മുക്കത്ത് അതിര്‍ത്തി റോഡുകള്‍ മുക്കം ജനമൈത്രി പൊലീസ് കല്ലിട്ട് അടച്ചു. വാലില്ലാപ്പുഴ – പുതിയനിടം, തേക്കിന്‍ ചുവട് – തോട്ടുമുക്കം, പഴംപറമ്ബ് – തോട്ടുമുക്കം എടക്കാട്, പനം പിലാവ് – തോട്ടുമുക്കം എന്നീ അതിര്‍ത്തി റോഡുകളാണ് പൊലീസ് അടച്ചത്. അതേസമയം, മതിയായ രേഖകളുമായി എത്തുന്നവരെ കൂഴിനക്കി പാലം, എരഞ്ഞി മാവ്ചെക്ക്പോസറ്റുകള്‍ വഴി കടത്തിവിടുന്നുണ്ട്.കോവിഡ് രോഗികളുടെ എണ്ണത്തിലുളള വര്‍ധനയെ തുടര്‍ന്നാണ് മലപ്പുറം, കോഴിക്കോട് ജില്ലകളെ റെഡ് സോണില്‍ ഉള്‍പ്പെടുത്തിയത്. കണ്ണൂര്‍, കാസര്‍കോഡ് ജില്ലകളാണ് റെഡ്‌സോണില്‍ ഉള്‍പ്പെടുന്ന മറ്റ് ജില്ലകള്‍.
